Persónuvernd
Kapellan er skrifstofuhús í Vesturhlíð 7, 105 Reykjavík. Þegar þú skráir þig á forgangslistann treystir þú okkur fyrir upplýsingum um þig. Hér má sjá hvernig við förum með þær.
Á skráningareyðublaðinu biðjum við um nafn, netfang og – ef þú vilt – nafn fyrirtækis, símanúmer, fjölda borða, tegund rýmis, hvenær þú vilt flytja inn og skilaboð. Við skráum líka tímasetningu skráningar og hvaðan þú komst (t.d. úr auglýsingu). Ef þú skráir þig í gegnum eyðublað hjá Meta (Facebook eða Instagram) berast okkur sömu upplýsingar þaðan.
Aðeins til að halda utan um forgangslista fyrir skrifborð í Kapellunni og hafa samband við þig varðandi borð, skoðun og opnun. Við sendum ekki fjöldapóst og seljum aldrei eða deilum upplýsingum með þriðja aðila í markaðsskyni.
Ábyrgðaraðili er Kapellan, Vesturhlíð 7, 105 Reykjavík. Fyrirspurnir um persónuvernd má senda á [email protected].
Ef þú slærð inn nafn og netfang í skráningarformið, vistast þær upplýsingar hjá okkur þótt þú ljúkir ekki skráningunni – það gerir okkur kleift að heyra í þér ef þú kemst ekki alla leið. Þú getur alltaf beðið um að fá þeim eytt með því að senda okkur línu.
Skráningar eru geymdar í dulkóðaðri gagnageymslu hjá Cloudflare og tilkynning um hverja skráningu berst okkur í tölvupósti (Missive). Ef þú skráir þig í gegnum Meta gilda skilmálar Meta um eyðublaðið sjálft, en upplýsingarnar berast síðan í sömu geymslu hjá okkur.
Við geymum skráninguna á meðan forgangslistinn er virkur og í mesta lagi í tólf mánuði eftir að húsið er opnað. Þá er henni eytt – nema þú gerist leigjandi og upplýsingarnar verði hluti af samningi.
Þú getur hvenær sem er beðið um að fá að sjá, leiðrétta eða láta eyða upplýsingunum þínum. Sendu okkur línu á [email protected] og við afgreiðum málið innan viku. Þú getur einnig kvartað til Persónuverndar (personuvernd.is).
Vefurinn notar Meta Pixel frá Meta (Facebook og Instagram) til að mæla hvort auglýsingar okkar skili skráningum á forgangslistann. Pixillinn vistar vefkökur í vafranum þínum og sendir Meta upplýsingar um heimsóknina í samræmi við persónuverndarstefnu fyrirtækisins. Við notum engar aðrar vefkökur til að rekja ferðir þínar. Þú getur hafnað vefkökum þriðju aðila í stillingum vafrans og breytt auglýsingastillingum á Facebook.
Síðast uppfært 11. september 2026.